100% Boer

[Hoppy]

Jy’s 100% Boer as…
- jou regterarm bruiner is as jou linkerarm
- jou voorarms dikker is as jou bo-arms
- jy jou bakkie beter bestuur op grondpad as op teerpad
- jou dorpskar is die bakkie sonder die tralies, dieseldrom en Boerboel
- vier karre in 'n ry vir jou swaar verkeer is
- jy vet gee as daar 'n jakkals oor die pad hardloop
- jy 'n plaashek kan oop- en toemaak sonder om jou gesprek te onderbreek
- jy skaapkraal toe stap in plaas van kafee toe ry as die vleis gedaan is
- hoender en vis vir jou tel as groente
- jou honde net van pap en beesmelk lewe
- jou hond voor in ry en jou plaas-hulp agterop
- jy meer as een keer per week bloei sonder om te weet hoe dit gebeur het
- jy drie stelle finansiële state aanhou: een waarop jy amper bankrot is vir SARS, een waarin jy amper miljoenêr is vir die bankbestuurder en een met die ware syfers
- jy Zoeloe of Sotho beter kan praat as Engels
- jou Engelse woordeskat bestaan uit "Yes, No, Fank you" en "Vat vrou! Hulle praat alweer Ingels!"
- jy eerder jou hemp sal uittrek as jou hoed afhaal
- jy alle mans met die hand groet en al die vrouens soengroet
- jy dink die dominee weet meer as Google
- jy dink 'n Meneer is n ding wat das dra of skool gee en alle ander mense kan aangespreek word as Oom en Tannie
- jy ‘n intekenaar is op Landbouweekblad en elke week uitsien na Werfbobbejaan
- jy meer omgee vir jou trekker as vir jou skoonseun
- jy kan sê watter rigting die wind waai sonder om jou vinger nat te lek
- Afrikaners wat saamstaan vir jou beteken die beeste is in die kraal
- jy teen 5 Julie nog 'n kortbroek dra
- jy dink metro-man is die nuwe naam vir m-*-f-f-i-e-s
- jy die weer beter kan voorspel as die SABC
- jou radio pal iewers tussen 100 en 103 ingeskakel is
- jy elke keer moet gaan was en skoon aantrek as jy 'n kar hoor aankom
- jy die woord "jel" net gebruik in sinne soos: "Jel, maar dis vrek koud!" of "Jel, nou’s ek blêrrie honger!"
- jy omtrent enigiets kan regmaak met insulation tape, 'n knyptang en ‘n stuk bloudraad!

[JEEPIE]

ooh ja , klimk omtrent reg daai

[ChrisF]

ek bly in die drop, maar seg ja op meeste van daai .....

[stumps]

Kan nog nie ja antwoord op alles nie "but I are getting were"

[Froll]

[Hangover]

Paar van die bogenoemde goete is dam na an my hart

[Hoppy]

Ek kan self meeste van hulle afmerk

[Borntofish]

Ek sit en wonder hoe werk die dominee se search engin.... :wth:

[ChrisF]

Ek sit en wonder hoe werk die dominee se search engin.... :wth:

n REGTE dominee doen nog huis besoek .... DIS waar hy jou vrae hanteer.




nou hoeveel dominees is hier op wie se tone ek nou getrap het ....

[BLOUBULLTROKKIE]

Waars die boer se HILUX ??????? Hahaha

[BLOUBULLTROKKIE]

Hiers hy

[Tarquin]

Ek is amper daar

[Thabogrobler]

> 'n Mens kry boere wat nie tipiese boere is nie. Veral jou tjekboekboere.
> Dit is die dokters, prokureurs, eiendomsagente en 'n arsenaal onbeskaafde,
> ryk gomtorre wat hul geld in die stad as "pênelbieters" of aandelemakelaars
> gemaak het. Hulle is nie ware boere nie.
>
> So 'n halfwas boer se grond is klaar betaal, sy krippe Iek nie, sy lyndrade
> hou jou waaragtig beeste binne en sy hekke hang nie. Sy
> vierwieltrekvoertuig het 'n CD-speler, is altyd blink en skoon, het nuwe
> bande en trek 'n nuwe waentjie. Sy seuns neem dramalesse en weet niks van
> 'n kettie of dikmelk af nie.
>
> Onder die ware boere is daar ook diè meneer wat juis probeer anders wees.
> Hy dra denimlangbroeke en gholfkêpse, borsel tande voor ontbyt, gebruik sy
> eie handdoek en spuit goed onder sy arms. Vir so 'n boer moet jy versigtig
> wees. Hy het waarskynlik nog nooit 'n Joseph Rodgers-mes gesien nie. Hy
> drink Pinotage by ete, braai vis pleks van tjops en maak die motor se deur
> vir sy vrou oop. Hy is 'n "sissie".
>
> 'n Regte boer dra 'n hoed. Ou boere dra 'n ou hoed met 'n wye rand wat na
> jare se sweet ruik. Nuwe boere dra 'n nuwe hoed wat heel onvanpas soos 'n
> vars miskoek op sy kop lyk.
>
> 'n Boer rook 'n kortsteelpyp wat hy met 'n hoenderveer skoonmaak. 'n Boer
> drink brandewyn met brakwater of Coke. En hy drink hom stérk, vier vingers
> sterk. Sonder ys.
>
> 'n Boer se vrou kan kassies tamaties pak, 'n koolstoof brandmaak, truie
> brei, pap wiele omruil, 'n rinkhals agter die yskas doodslaan, duwweltjies
> uit voete haal en babatjies vang.
>
> 'n Boer verneuk niemand nie, behalwe die keiser. 'n Boer betaal nie
> belasting nie, net BTW, wat hy terugeis.
>
> 'n Boer het 'n dubbelloop-haelgeweer, 'n ou Lee-Metford, 'n nuwe 30-06 en
> 'n 22-geweer. Hulle lê bo-op die hangkas, want hy het nie 'n geweerkluis
> nie.
>
> 'n Boer het nie 'n tyddeel nie, maar baie tyd. Hy slaap smiddags tussen een
> en twee.
>
> 'n Boer het net een pak klere wat hy kerk en troues toe aantrek. Die pak is
> te klein.
>
> 'n Boer gaan kerk toe, maar stem nie saam met die Sinode se besluite nie.
>
> 'n Boer praat nie lngels nie, buiten 'n klompie in die Kolonie en Natal.
> Maar hy kan 'n swart taal praat. Wanneer 'n werker die hek laat ooplê en
> die beeste in die lande kom, praat hy verskeie tale gelyk. En vinnig.
>
> 'n Boer het deesdae 'n sakrekenaar, veral by die vendusie. Maar hy sukkel
> steeds om uit te werk hoeveel water sy boorgate het, veral as hy sy plaas
> wil verkoop aan iemand wat wil weet hoeveel water daar is, want hy wil
> bankrotbossies met die geleerde naam van tamaties plant.
>
> 'n Boer glo nie in gesinsbeplanning nie. Min kinders los hy vir die
> lngelse, vir mense wat nie 'n groot werf het nie, en diegene wat vir hul
> vleis moet betaal.
>
> 'n Boer se seuns kry 'n beurs vir die skoolkoshuis en speel rugby, nie
> krieket nie. Nà skool gaan hulle universiteit toe. Daarna kan hulle nooit
> weer boorgatpype optrek nie en word vaal ouditeurtjies in grys pakke en
> blinkleerskoene wat hul pa wil leer boer as hulle vakansies met hul sagte
> handjies kom kuier.
>
> Niemand skiet deesdae meer verniet op 'n boer se plaas nie - net die
> bankbestuurder.
>
> 'n Boer weet meer van die politiek, die ekonomie, die jongste
> kriekettelling in Indië, aandelepryse, vroue-operasies, die goudprys,
> stakings en koekresepte as enigiemand anders, want hy luister heeldag
> draadloos in die Isuzu.
>
> 'n Boer glo nie aan nuwe bande vir sy bakkie nie. Hulle moet glad wees
> anders ry hulle nie lekker in die sand nie.
>
> 'n Boer huil nie, behalwe as die eerste bulkalf van die seisoen aankom of
> sy dogter op die skoolsportbyeenkoms eerste kom. Hy kry nie seer nie en
> gebruik nie pleisters nie, maar hy dra sy hele lewe lank verbande: twee
> verbande op elk van sy drie plase.
>
> 'n Boer skei nie, hy gaan net dood. Ryk boere gaan arm dood en arm boere
> gaan ryk dood. 'n Boer se testament lyk anders as ander mense s'n: sy vrou
> en dogters erf niks grond nie. Die oudste seun erf alles, en verloor weer
> alles -- omdat hy dinge op die plaas probeer wat sy pa altyd geweet het nie
> sal werk nie.
>
> 'n Boer gaan dan hemel toe.

[Baasvark]

Klink my julle ken die boere goed.....


Hoeveel van julle IS boere?

[4ePikanini]

Ek bly op n plaas. Werk met beeste, trekkers, rekenaars en bakkies elke dag.
As jy op n plaas bly en winkel toe gaan is 'n beplanning en n pyn. Dan sal jy hierdie goed verstaan.

As jy met ghries gesig en neus en hande in die winkel in stap en nie skaam kry nie. Dan is jy n boer.

:)


Sent from my iPad 2

[Potifar]

"...en maak die motor se deur
> vir sy vrou oop. Hy is 'n "sissie".

Kan nie met die deel saamstem nie... My Pa is 'n Karooboer, is 70 jaar oud, worstel deur die hoeveelste droogte, het nie geld nie, maar baie geduld en veldkennis. Hy het net een plaaswerker, skiet links en regs ewe goed, het harde hande (en net nege vingers oor) en is so bruin gebrand soos ou leer.
Sy hoed is stukkend, dra dieselfde knipmes van dat ek kan onthou en loop sonder 'n kierie na een knie se kraakbeen uitgehaal is en die ander knie vervang is. Sy rug is moertoe,aar hy kla nie en praat nie daaroor nie. Hy gaan nie dokter toe nie. Hy drink net moerkoffie (en natuurlik 'n dop) en vloek in Afrikaans en Xhosa, bid elke dag.

En hy maak steeds die bakkie se deur oop vir my Ma.

My Pa is 100% boer

[Thabogrobler]

100% Boer - en jy kan trots wees op hom! Wat 'n voorbeeld!

[Baasvark]

Wel, bly al 39 jaar oppie plaas.

Baie van die bg. is van toepassing maar nie alles nie.....

My gunstelling trick is om deur die vark hokke te stap net voor ek bank toe moet gaan. Jul sal verbaas wees hoeveel beweeg ruimte jy geniet as jy 2 duim vark strond onder jou skoene het

Om een of ander rede verkort die lang rye by die tellers baie vinnig

[warthog]

[quote="Hoppy"]

100% Boer.jpg

Een van die heel beste t-hemde wat ek al ooit gesien het was 'n rerig mooi jong kleurling vrou se t-hemp met net so oranje-blanje-blou vlag op, en bokant die vlag was:

/
/
/
/
/
/
/
/
/
/
/
/
/
/
/
50% BOER

[Oupa Stig]

Wha haaaa haaa haaaa!!!!!
Took me a moment, but when the 50% hit, my coffee went up my nose. Hennie, jy skuld my 'n halwe koppie koffie.

[Hoppy]

skerp

[Bugzy]

"...en maak die motor se deur
> vir sy vrou oop. Hy is 'n "sissie".

Kan nie met die deel saamstem nie... My Pa is 'n Karooboer, is 70 jaar oud, worstel deur die hoeveelste droogte, het nie geld nie, maar baie geduld en veldkennis. Hy het net een plaaswerker, skiet links en regs ewe goed, het harde hande (en net nege vingers oor) en is so bruin gebrand soos ou leer.
Sy hoed is stukkend, dra dieselfde knipmes van dat ek kan onthou en loop sonder 'n kierie na een knie se kraakbeen uitgehaal is en die ander knie vervang is. Sy rug is "stikkent",aar hy kla nie en praat nie daaroor nie. Hy gaan nie dokter toe nie. Hy drink net moerkoffie (en natuurlik 'n dop) en vloek in Afrikaans en Xhosa, bid elke dag.

En hy maak steeds die bakkie se deur oop vir my Ma.

My Pa is 100% boer