Banddruk - Baviaanskloof

[Kwagga-01]

Ek gaan Desember Baviaanskloof toer en het gewonder watse banddruk julle manne sal voorstel op my standaard grote BF’s vir die roete. Die hande vier voet sal gelaai was, maar nie ge-oorlaai word nie.

Hande-vier-voet groete

Etienne

[ThysdJ]

Hi Etienne. Ek was al 'n paar keer deur die Baviaanskloof, en alhoewel dit nie nodig is om jou banddruk te laat sak om beter traksie te kry nie, is dit aan te beveel om die rit net so bietjie minder stamperig te maak. Die pad is vreeslik sleg uitgery, so om die stampe en stote uit te stryk het ek my bande laat sak tot so 1 bar. Jy sal salk nie so ver afgaan nie weens die vrag wat jy dra. Trial and error maar soos jy aangaan en kyk wat vir jou die beste werk. :D

Moenie te veel worry oor die bande nie geniet die scenery!! Dis asemrowend..

[Kwagga-01]

Thys,

Baie dankie. Kan ek die Trip op my eie aanpak, met een voertuig? Ek slaap by Bergplaas oor vir wat dit werd is.

Groetnis.

[African Child]

Jy kan enige tyd op jou eie gaan. Baviaans is pragtig, my hemel op meer as een wyse. Ek was sonder jokes al daar saam met mense wat in trane uitgebars het oor die plek se skoonheid en jy besef jou nietigheid voor God daar soos op min ander.

[African Child]

Probeer Doringkloof plaas. Baie beter opsie tog is oral in die kloof spesiaal. Ek het laas met Tanja Lambreght gepraat, sal kyk vir jou vir die telefoon no.

[ThysdJ]

Dis soos Leon sê, ongelooflik mooi. Ons was ook nog sover elke keer alleen. Daar is altyd mense in die kloof so as iets verkeerd gaan sal jy nie weke wag vir hulp nie.

Ons het by Kudukaya en in Geelhoutbos gebly. En ek wil nog daai grot oorkant die winkeltjie/poskantoor gaan uitprobeer, ek weet nie nou wat sy naam is nie..

[OOOOMS]

Die pad is goed, het so 10 dae terug daar deur gery van die Kaap af(eintlik per ongeluk, ek die gps op kortste roete gesit en daar oor die berge gery), stunning, stunning, beautiful. Ek kon eintlik nie eens praat met OOOODS dit was te pragtig. Sal vir jou 'n link opsit wat Pieter P geskryf het. Mooi beskrywings. Tx Pieter

http://www.africatrips.co.za/cape-town- ... ound-trip/

Njoy

[Hoppy]

Daai grot se naam is bakkrans, het al daar geslaap, baie lekker.

[Kwagga-01]

Dankie julle manne, julle het my sopas oortuig om nog n dag te laat bly. Ek kan nie meer wag nie.

Groetnis.

[African Child]

Ek weet nie hoe lank jy beplan om te bly nie maar n week is min in my ervaring. Daar is soveel versteekte plekke om te sien. Dis een van daai plekke met meer stories as wat jy kan glo, om nie eens te praat oor die groot vloed destyds en die droogtes en die gebeure met die bou van die dam nie. Die vergete pad van Kareedow oor die berg, ou leerskoene van bobbejaanvel... Die meerminne se legendes, spookstories van die bang Strydom's. Zandvlakte se geskiedenis...
Die pragtige 4x4 roete langs die polisiestasie wat ook as ontsnaproete dien ten tye van vloede. Staproetes, veral op die Plaas BO-kloof. Speekhout, die plaas waar die hout van die waens se speke vandaan gekom het. Makkedaatgrotte. Die Renosters waarvan een so rukkie terug by die kranse afgeval het. n Mens kan aangaan en aangaan. Ek is totaal verlief, passievol en kopverloor oor die plek. As ek n laaste voorstel kan maak n moet waarsonder jy nie kan nie. Leen n donkiekar, ry n paar kilos rustig soos die locals doen, swem in die water langs n driffie , die atmosfeer van die kloof sal oorweldig, die kranse sal jou vertel waar jy is, die reuke sal jou siel verkwik. Dink aan die pad waaroor jy ry, 10jaar......1880 tot 1890 is daar aan gebou. Bain, Thomas, die man wat so baie oorkom het om vir ons soveel moontlik te maak se hand was hier, in my boeke, sy werk wat ek die meeste waardeer.

[ThysdJ]

Leon jou blikskottel... jy maak my lus om sommer nou soontoe te ry en 'n week te bly......

[African Child]

Vat my net saam OOM THYS......vat my saam!!!!

[Family_Dog]

Vat my net saam OOM Thys......vat my saam!!!!

Me too, Asb. OOM Thys!!


-F_D