Hilux 4x4 Forum

Dagsê manne, het hierdie vakansie klomp projekte wat ek moet klaarmaak. Die een wat ek nou maar begin is die "Bumper" met "winch box".
Plastiek bumper af. Meet en pas waar ek my "winch" wil hê. Maak van "template" uit karton. Teken op LibreCAD. "Laser cut". R700.00 Sal Sondag die "base,front en back plate" doen - meet en pas, teken en Maandag "laser cut".
Sal julle op hoogte hou.

Groete.

Lekker projek Hou van die ontwerp

neatly done

Dankie Stefan en Neil.
Het die twee plate ge"mount". Gaan die "base,front en back plate" en die anker "brackets" vandag doen. Sal seker die goed more kry en dan alles aanmekaar "tack".

Het vandag die planne ingegee vir laser cut. Gaan more my plate kry en dan kom die aanmekaar sit en dan kyk ons hoe dit uitkom.
Koste is R560.00 vir hierdie een en saam met die vorige van R700.00, kos dit my sover R1260.00

Dagsê Almal.
Het die res van my plate gekry en dit is hoe vêr ek gekom het vandag. Hopelik kry ek die "tack' werk klaar more sodat ek dan kan begin sweis.

Lyk goed sover.

Die "posbus" plaat, ek neem aan dis die voorkant waar die kabel deur kom? Is moeilik om te skat op die foto, maar is die opening wyd genoeg, maw dieselfde wydte of wyer as die winch se drom?

Hallo Stefan, die posbus gat is vêr groter as die gat waar die rollers vir die kabel is.

Lyk goed Hennie, maar na my mening sit daai winch ver te laag. Dit gaan jou approach angle heelwat verminder.

Ja Andy, dis maar die beste wat ek kon doen. As ek dit hoër opsit, is my senterpunt van die ankerboute vêr uit met die senterpunt van die "winch".

Pity, want dis nogal baie netjies gedoen so ver. Ek dink net jy gaan nog baie ploeg met hom waar hy nou sit.

So om en by 40 grade.

Hallo daar.
Hier is die boks nou aanmekaar ge-tack. Sal moreoggend alles weld, skoonmaak en verf.

En so iets miskien?

Ja Andy, ek hoor jou. My eerste template was so iets soortgelyk, maar die twee senterpunte was rêrig baie groot. soos hulle sê hoe groter hoe meer stres. Wat wel belangerik was vir my ook is dat die hele konstrepsie is hoër as die senter van die wiel.

Klaar geweld. More net skoonmaak en verf.

Lyk netjies!!!

Sent from my SM-A720F using Tapatalk

Dankie Shane

Dowe Koos wrote: ↑Thu Dec 14, 2017 9:24 am Hallo Stefan, die posbus gat is vêr groter as die gat waar die rollers vir die kabel is.

die afstand tussen die winch en die voorste plaat help ook

Ek glo 40 grade is genoeg vir A.O.A, hang af hoe erg die hindernisse is wat jy wil ry. Winch is baie mooi in lyn met onderstel as ek na die mounting gate kyk. Om die hele ding te lig tot onder die grille sal baie mooi lyk maar dit het na my mening meer kosmetiese waarde as die AOA wat jy wen in vergelyking met sterkte wat jy prysgee deur dit te lig.

Moeilik om te se as mens nie syfers het nie...maw hoeveel Newton minder sou jy kon trek met die winch verder op en hoeveel het mens rerig nodig...
Kyk hoe werk die ontwerp vir jou, jy kan mos altyd weer een bou waar die winch hoer op sit. In daardie geval sou ek die ontwerp dieselfde hou en net die onderste plaat waar die winch op vas bout lig en die groot gate ook opskuif

Dowe Koos wrote:Dankie Shane

Jy weet natuurlik jy gaan jou spoed op die hindernisse drasties moet verminder - so nie gaan daardie boks alles plat stoot soos 'n stootskraper

Sent from my SM-A720F using Tapatalk

Klaar geverf. Twee ekstra goed wat nie op die tekening is nie..
Een vir deksel wat moet opkom. Een vir winch se kragpunt wat in die pad is. Gaan dit nou opsit, sal later foto insit waar dit op is.

Very well done.You can really be proud of a well finnished project and the cherry on top is;- YOU DID IT YOURSELF

Thanks Tony. Small mistake here and there but learned from it. The box is on but will finish it tomorrow.

Nouja, dit is op na 'n gesukkel. Toe ek die dele opgesit om dit te tack het ek 4 spacers gebruik van 8mm elk. Maar soos gewoonlik trek jou job sodra jy dit alles vas weld. Kon net drie van die spacers gebruik en 'n nuwe een van 6mm. Maar daar is dit. Nou die bumper.

FIRSTGEER wrote: ↑Sat Dec 16, 2017 7:02 pm Very well done.You can really be proud of a well finnished project and the cherry on top is;- YOU DID IT YOURSELF

+1

Dankie Stefan.
Het gehoop ek kan verder kom met die bumper maar sal moet wag tot die naweek, want my een broer het van die gereedskap wat ek nodig het geleen en sal eers die naweek dit vir my bring.

Nouja, dis hoe vêr ek gekom het. Met alles wat nou toe is, sal ek maar eers volgende jaar die afwerking klaarmaak. Ek wil ook eers my winch diens en oorverf voordat ek dit permanent insit. Groete tot dan.

Lyk goed, Hennie! Baie netjies en wel gedaan!

Dankie Andy, ek moet bysê dat ek het vergeet om dankie te sê vir Piet aka Bushwacker wat vir my uitgewys het dat my winch verkeerd om sit. Dit maak dat ek 'n klein aanpassing moet maak op die winch, maar nie ernstig nie. Die bakkie het dan ook met een sentimeter gesak van 340 mm na 330 mm.( tussen die bokant van die rim tot onder die boog van die fender) Dink julle dit is redelik.

Naandsê Manne.
Ek is besig met die bedrading van die winch en het net een vragie. Die negatiewe kabel van die motor van die winch - moet dit na die negatiewe pool van die battery gaan of kan ek dit aan die onderstel vasmaak.
Groot waardering

Direk battery toe.

Dankie Andy.

Voltage drop deur die gewone earth connection is te groot.

Dit is hoe vêr ek is en sal more klaar wees met alles.
Oorspronklike control box. Uit die boks. Verandering aanbring. In sy nuwe boks. Aan die winchboks Sal more die finale fotos opsit

Moenie dat vroulief j vang werk op die eetkamer tafel nie....

Wanneer begin jy met die RTT Hennie.
Dis 'n projek wat ek wil sien...

Hallo Edge, ek maak vandag hierdie projek klaar. Seker nog so 'n uur of wat dan sit ek die fotos op. Die RTT sit nou al lank op my nek en gaan dit more aanpak. Moet maar eers die ontwerp doen en kwotasies kry. Hopelik so oor twee weke wie die job kry kan daarmee begin.

Daar is dit. KLAAR

My Snatch Block en remote control in die boks. remote control ingeprop. Boks toe. Dis hoe dit lyk van voor. Een ding wat ek geleer het met hierdie projek, as jy seuns het waardeer hulle want as hulle nie meer by die huis is nie, moet jy maar alleen alles doen. Dit het nogal 'n sukkel afgegee maar nouja dit is klaar.

Baie netjies Hennie.
Interesante benadering wat jy gevolg het.
Ek sal net aanraai dat jy die temp naald fyn dophou in warm weer en stadige 4x4 werk. Daai boks het basies so 50% van die direkte lugvloei geblok op die radiator veral op die onderkant waar die meeste verkoeling plaasvind.

Dankie Johan, ek het dit ingedagte hou, dis hoekom die backplate drie groot gate in het en die bumper het ook gate aan die kante het. In elke geval ek sal die naald dophou.

Ja, het vandag by Bass Lake 4x4 gery. Het paar dongas en gate gekry op die roete en my winch boks was hoog genoeg gewees en was glad nie in die pad nie. Het net by een hindernis te vinnig ingegaan en het my bumper so bietjie geskuif maar niks van my winch boks nie. Ook het die temperatuur konstant gebly en dit was nogal warm dag gewees. So, ek is hele tevrede met my boks.

Dowe Koos wrote:Ja, het vandag by Bass Lake 4x4 gery. Het paar dongas en gate gekry op die roete en my winch boks was hoog genoeg gewees en was glad nie in die pad nie. Het net by een hindernis te vinnig ingegaan en het my bumper so bietjie geskuif maar niks van my winch boks nie. Ook het die temperatuur konstant gebly en dit was nogal warm dag gewees. So, ek is hele tevrede met my boks.

Sukses!

Sent from my SM-A720F using Tapatalk

Goed om te hoor!