DIKWIEL FIETS

[KOBUSL]

DIKWIEL.jpg (4.75 KiB) Viewed 3626 times

Weet iemand waar kan ek 'n nuwe dikwiel fiets ( soos uit die ou tyd ) te koop kan kry ?
Ek weet nie eers of dit nog gemaak word nie.

[Scorpion]

Dit word nog gemaak. Ons gebruik dit vir naby aflewerings in ons franchises. "Humber" is die beste maak, maar relatief duur (so net onder die R 2,000 as ek nou reg onthou), maar daar is ook die goedkoop Chinese goed. Vind uit by jou naaste fietswinkel.

[KOBUSL]

Dankie Johann, ek sal hulle ggggggle.

[Thunder02]

Dankie Johann, ek sal hulle ggggggle.

PLease correct me if wrong,but was'nt Western Flyer the first to make and sell them in SA?

[Scorpion]

Not sure, Neil. All I know is that the Humber is the one that lasts with our delivery guys. They get used daily and I can't think of bikes that are subject to more abuse than ours. There may certainly be more brands available.

[HennieJ2]

Wa's di dikwiel met die 3 spoed gears wat van die handle af werk en 'n klein kabeltjier wat by die agterwiel in gaan? Sh!t, gee nou my ouderdom hi weg....

HJ

[DassieHassie]

Wa's di dikwiel met die 3 spoed gears wat van die handle af werk en 'n klein kabeltjier wat by die agterwiel in gaan? poefies, gee nou my ouderdom hi weg....

HJ

Klink of jy van 'n Chopper praat? Die een met die klein voorwielletjie

Sal self laaik om weer so een in die hande te kry

[Creed]

Nog 'n "classic" fiets is Giant se Simple "beach cruisers".

Hier is die link http://www.giant-bicycles.com/en-us/bik ... 912/48670/" onclick="window.open(this.href);return false;

Die Simple fietse is egter geweldig duur. Toe ek in die begin van die jaar gekyk het by 'n fietswinkel was dit om en by R4200 vir die 3 rat fiets .

[Deonpretorius]

Soek jy nou n fiets omdat die petrol so baie duurder word of is dit vir oefen

[Mud Dog]

Wa's di dikwiel met die 3 spoed gears wat van die handle af werk en 'n klein kabeltjier wat by die agterwiel in gaan? poefies, gee nou my ouderdom hi weg....

HJ

Klink of jy van 'n Chopper praat? Die een met die klein voorwielletjie

Sal self laaik om weer so een in die hande te kry

Nee, die 'Choppers' het eers baie later uitgekom. Daai waarvan Hennie praat het 'n dikker 'hub' gehad met die ratte binne in sowel as 'back-pedal' brieke.

Ja Hennie, nou het jy jou ouderdom weggegee!

(Terloops! Ek ook! )

[Barrie]

Ek dink die fietse was Rudge. Met "backpaddle brakes".

[KOBUSL]

Soek jy nou n fiets omdat die petrol so baie duurder word of is dit vir oefen

Deon,
Dis maar om te oefen. Die regte ene is maar die een met die driespoed wat met die kabeltjie werk en 28" hoog is. ( Almal wat hom ken IS oud )
Met 'n "carrier " en 'n " stand ". Jy kon hom " modify" deur straight handles op te sit, dan was hy meer sportief, maar die sakgeld was gewoonlik beperk, en om R2,50 uit te haal vir 'n stel handles was kwaai. Jy was egter 'n getelde mannetjie as jy 'n " three speed " gehad het.

Ek sien die pryse is maar styf, soos alles deesdae.

[pietpetoors]

Ek het ook al daai ding gewonder Kobus. Van al die fietse, wat BMX'se, bombers, bergfietse, etc insluit was my ou raleigh dikwiel wat ek hier rondom St8 gehad het die heel beste. Hy moet net 'n back padle briek hê want kabeltjie fietsbrieke is altyd crap. Daai goed is amper soos die Hilux van die fietswêreld, dalk nie die vinnigste en gerieflikste nie maar die betroubaarste

[Hoppy]

Ek het koerante afgelewer vandat ek 10 jaar oud was, ons het 3c n koerant gekry en 4c vir n oggend koerant (moet voor 6h00 afgelewer wees), na n jaar het ek my eerste 24" fiets gekoop, was n hele R3 tweedehands. Ek kon toe baie meer koerante per dag aflewer en drie jaar later koop ek n splinternuwe "Achilles" dikwiel met n dubbel frame en al die ekstras; leer seat met springs, drom brieke voor en agter, "Sturmey Archer" drie spoed ratte, carrier vir my koerantsak en so wynrooi metaalverf, dit was n hele R105.00, ek het nog die strokie iewers, my pa het vir n week nie met my gepraat toe hy hoor hoeveel ek vir die fiets betaal het nie, jy kon n klein tweedehandse karretjie koop daarvoor.
Daai fiets het ek baie jare gery en genoeg geld mee gemaak om my eerste "50" te koop, n Honda SS 50, binne die eerste week het hy n 72cc Kit ingekry en die exhaust is oopgemaak en die cam is bietjie ge"grind", ek kon toe tot by die "Drive in" ry elke aand en ek het daar gewerk totdat ek my eerste kar kon koop, n Alfa GT Junior 1750, ek was nog 16 jaar oud, maar ek het die wereld vol gejaag met hom totdat n Poliesie kar te vinnig voor my gestop het, ek kon daai tyd al n band begin het genaamd "F-OFF Poeliesiekar" ek het nou nog daai koerant uitknipsel "sentence held on under age driver", my pa, en toe natuurlik ek, moes die skade op die "Chev tri matic" poliesiekar betaal, n hele R56.00, die Alfakie se skade was egter terminaal. Dit was maar die eertse van baie "fines" wat nou nog nie minder raak nie, ek moet ook maar weer n "Diklip" oorweeg.

[warthog]

Ek het in St 4 'n 24" fiets gekry, sonder ratte. In St 6 kon ek met hom van die skool af huis toe ry en terug (so 7 km) sonder om een maal aan die handles te vat...
Toe koop my Pa vir hom 'n 26" fiets, daai een met die drie ratte wat julle van praat, om mee werk toe te ry... Nodeloos om te se, ek het hom meer uit die garage uit gesteel en gery as hy.

In St 8 kom my een pel eendag laat by die skool aan, ek onthou nog blaas-blaas, rooi gesig halfpad deur die eerste Engelse periode by Miss (Melk)Kannemeyer...
Ek fluister "wat nou", hy antwoord "Donnerse fiets! wil jy my fiets he"... (Nou hy het een van daai 26" dikwiel modelle gehad met die backpeddal brieke.) Natuurlik se ek ja- kom toe uit hy moes die fiets omtrent 5km dra want iets het gebreek.
Ek vra hoeveel, hy se verniet, vat net die $%#*& ding.

Nou as ek met enigiets wat nie myne was nie by die huis opgedaag het met die storie dat iemand dit vir my gegee het, sou my Pa my eers mooi met sy belt "verduidelik" het voor hy my gemaak het die ding gaan teruggee, en dan nog 'n fiets ook...

Lang storie kort: ek koop die fiets by hom vir 'n Coke en pakkie Simba chips by die snoepie. (My Pa het sy Ma gebel om te bevestig ek het wel die fiets gekoop) Ek onthou nog die agterwiel se wheelbearing wat opgepak het, het iets soos R 2,65 gekos, en daar het ek 'n dikwiel!! Hel, daai ding het darem lekker gery.

(Drie jaar later daag hy een Sondagmiddag saam met sy Ma by ons huis op- hy het toelating gekry vir medies, maar nie in die koshuis op Tuks nie, en nou het hy vervoer nodig, kan hy dalk die fiets terugkoop?)

[Danman]

Raleigh chopper geerf by my ouboet.
Soortgelyk aan die pic was my eerste fiets.
Toe oupa se western flyer(jy is reg Neil)
Genoeg geld gespaar deur ploeg en pype skuif op die plaas en koop toe een van die eerste BMX fietse.
Daarna BMX verkoop en Raleigh resiesfiets gekoop, werk by checkers en OK en Kentucky vakansies koop toe vir my Toyota 1.3L corrola

[ThysdJ]

Raleigh chopper geerf by my ouboet.

Met so 'n satanskind het ek my binne-in my chops geval...

[Blaps]

Julle manne gaan nou ver terug.... My eerste was n 24" wat ek by my swaer gekry het in standerd 5. Toe ek soos Hoppy begin koerante aflewer het ek my broer se BSA 26" gekry want hy het n lekker "carrier" op gehad. Ek het my koerantgeld gespaar om n "racing bike" te koop. Die dag toe ek R100 bemekaar het toe gaan koop ek my geel "Armstrong racing bike". Hom n paar jaar gery en verkoop en vir my n dikwiel dubbelpyp "Truimph" met "back pedal brake" gekoop. Met hom het ek 25km "Drive-in" toe gery en weer terug na die "drive-in" klaar is. Vir n meisie naweke op die plaas gaan kuier, 18km. Gaan visvang langs die rivier, jols toe gegaan en party keer sommer net windg@t probeer wees. Hom gehad tot ek army toe gegaan het.

[Hoppy]

Daai choppers was die S h i t, al die ryk kinders het hulle gehad, gelukkig het hulle ouers genoeg geld gehad vir die dokters rekeninge ook, meeste kinders het minder tande oorgehad, daai ding het mos n "Speedwoble" gekry op n afdraand, veral as jy jou een hand moes los om die ratte oor te sit.
Die E.T. fliek het vir die BMX craze daarna gesorg, ek het dit gelukkig gemis, ek dink ek was toe al Army toe.

[HennieO]

Jis nou raak die manne darem lekker nostalgies!


Interessant dat almal gewerk het om vir hul fietse en karre te betaal , vandag se kinders kry sommer 'n kar persent vir hulle 16de en dan sommer iets soos 'n GTi of of 'n TT of so iets.........

Het ook al van std 5 af koerante afgelewer en en 2 Raleighs en 'n 50cc "Bobcat" so gefinansier en einde st 9 hierdie kopie by 'n girlfriend se ma vir R300 gekry.......die tannie het my jammer gekry en R100 terug ge"slip" toe die oom nie kyk nie........

Cortina.jpg (131.58 KiB) Viewed 3490 times

Dis nie hy nie, maar presies dieselfde outjie, 1970 1300 de luxe 2 deur!(natuurlik net right hand drive), ek het hom vir R50 poeierblou gespray!

[Blaps]

Dit alles laat my onwillekeurig dink aan hoeveel kinders vandag eintlik fietse ry????? Vir party is dit benede hul stand, aansien om hul naam so te pluk om op n fiets gesien te word. Die energie wat hul moontlik sal moet verbrand sal net nie die moeite werd wees nie. Ek wonder hoeveel KAN fiets ry????

[pietpetoors]

Hennie my ouma het net so metallic groen cortinatjie gery

Ben, ja, dis waar, bly om te hoor dis nie net ons wat met die kinners se snobisme sukkel nie.

[Hoppy]

Daai is n Mk2 2deur Cortina, dis n skaars body, selfde body as die beroemde Lotus Cortinas, het jy hom nog????

[HennieJ2]

weer n "Diklip" oorweeg.

Dis nou ok juis 'n term wat jy da gebruik, wat jou ouderdom weg gee

Ja, my "diklip" het my met gemak die 29km skool toe en 29km terug laat ry, die dag as ek nie lus was om die bus te klim nie.

HJ

[HennieJ2]

BTW - myne had die drum brake jobbie

HJ

[KOBUSL]

Hier is hy

FORD-CORTINA-LOTUS-MK2 (1).jpg (39.12 KiB) Viewed 3456 times

....maar die was die rerige een............

LOTUS2.jpg (9.87 KiB) Viewed 3456 times

[Polarbear2008]

Kobus

Jy kan van die Agri winkels probeer. Toe ons onlangs in Namibie was, het ek dit daar gesien en dit was ne TE buitensporig duur nie. Ek vermoed egter dat dit Chinese imports was te oordeel van die vakmanskap wat ooglopend was.

[HennieO]

Daai is n Mk2 2deur Cortina, dis n skaars body, selfde body as die beroemde Lotus Cortinas, het jy hom nog????

Nee Allan ongelukkig jeuk 'n jongman se gat mos - daai outjjie is darem baie stadig - ek het wel 'n stewige winsie gemaak toe ek hom verkoop het vir R1800!

[KOBUSL]

Kobus

Jy kan van die Agri winkels probeer. Toe ons onlangs in Namibie was, het ek dit daar gesien en dit was ne TE buitensporig duur nie. Ek vermoed egter dat dit Chinese imports was te oordeel van die vakmanskap wat ooglopend was.

Dankie Theunis, probleem met daai winkels is dat ek met baie meer uitkom as wat ek nodig het. Vrouens verstaan dit nie, mans wel.